შრომის უსაფრთხოების სპეციალისტის მომზადების სრული აკრედიტებული პროგრამა ნებისმიერი სექტორული მიმართულებით მუშაობისთვის

რატომ უნდა ისწავლოთ Safety academia-ს ტრენინგ ცენტრში?!

1. ტრენინგებს უძღვებიან აკრედიტებული ტრენერები, რომლებმაც კვალიფიკაცია დაადასტურეს სსიპ შრომის ინსპექციის მიერ აკრედიტებულ საგამოცდო ცენტრში.

2. ჩვენი ტრენერები არიან მოქმედი შრომის უსაფრთხოების სპეციალისტები, რომლებსაც თეორიულ ცოდნასთან ერთად აქვთ დიდი პრაქტიკული გამოცდილება. შრომის უსაფრთხოების მართვის სისტემა დანერგილი აქვთ არაერთ დიდ, ცნობილ ორგანიზაციაში და დღემდე აღნიშნულ სისტემას მართავენ წარმატებით.

3. ჩვენს ტრენერებს აქვთ არამხოლოდ ქართულ, არამედ საერთაშორისო ორგანიზაციებში შრომის უსაფრთხოების საერთაშორისო სტანდარტებით მართვის და სწავლების გამოცდილება.

4. კურსის ფარგლებში, მსმენელები უფასოდ სწავლობენ შრომის უსაფრთხოების სახელმძღვანელო დოკუმენტაციის მომზადებას, რაც შრომის უსაფრთხოების სისტემის წარმატებულად დანერგვის ერთ-ერთი მნიშვნელოვანი კომპონენტია.

5. წარჩინებულ კურსდამთავრებულებს ექნებათ შესაძლებლობა გაიარონ სტაჟირება Safety academia-ს ტრენინგ ცენტრის პარტნიორ ორგანიზაციებში.

6. მაღალი აკადემიური მოსწრების მქონე მსმენელებზე ტრენინგ ცენტრი გასცემს რეკომენდაციას დასაქმების მიმართულებით.

7. წვდომა კურსის სასწავლო ლიტერატურაზე, როგორც მატერიალური, ისე ელექტრონული ფორმით.

8. კურსის თითოეული სასწავლო მოდულის დასრულების შემდეგ ტარდება გამოცდა, რომელიც აძლევს შესაძლებლობას მსმენელს მაქსიმალურად მოემზადოს სასერტიფიკაციო გამოცდისთვის, რომელიც ბარდება სსიპ შრომის ინსპექციის მიერ აკრედიტებულ საგამოცდო ცენტრში.

9. აკრედიტებული კურსის წარმატებით დასრულების ცნობასთან ერთად შესაძლებელი დამატებით სერტიფიკატის მიღება იმ საგნებში რომელი საგნის ფინალურ ტესტშიც მიღებული ქულა აღემატება 70%-ს.  

10. შრომის უსაფრთხოების სფეროს განვითარების მიზნით დაგეგმილ ღონისძიებებში/აქტივობებში ჩართვის/მონაწილეობის მიღების შესაძლებლობა.

11. გარდა სწავლებისთვის განსაზღვრული აკადემიური საათებისა, დამატებით, ტრენერებთან კონსულტაციის გავლის შესაძლებლობა.

12. მსმენელებზე მორგებული სასწავლო განრიგი.

13. ჩვენს სასწავლებელში თქვენ დაგხვდებათ კომფორტული, მყუდრო და სასიამოვნო გარემო, რომელიც მაქსიმალურად არის მორგებული მსმენელზე. როგორც სწავლების პროცესისთვის ასევე შესვენებებზე განტვირთვისა და წახემსებისთვის.

14. ჩვენს სასწავლებელში უზრუნველყოფილია საქართველოს კანონმდებლობით გათვალისწინებული შრომის უსაფრთხოების და სახანძრო უსაფრთხოების მოთხოვნები ასევე შეუზღუდავი გადაადგილების კომფორტულობა.

15. ადვილად მისადგომი ლოკაცია. მეტროსადგურ “სახელმწიფო უნივერსიტეტის” მეტროდან 8 წთ-ის სავალზე, რაც მოსახერხებელია საზ. ტრანსპორტით მოსარგებლე პირებისთვის.

16. სასწავლო გარემო მაქსიმალურად ადაპტირებულია შშმ პირებზე.

17. მთელი კარიერის მანძილზე მუდმივად საინფორმაციო შეტყობინებების მიღება ყველა ახალ საკანონმდებლო ცვლილებებთან დაკავშირებით.

18. 0%-იანი შიდა განვადება თანხის რამდენიმე ნაწილად გადახდის შესაძლებლობით კურსის დასრულებამდე. 

19. 0%-იანი საბანკო განვადება 24 თვემდე პერიოდზე   

20. 10%-იანი ფასდაკლება:

წინასწარ კურსზე 1 თვით ადრე რეგისტრირებული პირებისთვის.
ყოველ მე-2 პირზე, ორგანიზაციიდან 1-ზე მეტი მსმენელის დასწრების შემთხვევაში.
მრავალშვილიანი მშობლებისთვის (3 და მეტი არასრულწლოვანი შვილების
შემთხვევაში).
ერთი ოჯახიდან 1-ზე მეტი მსმენელის დასწრების შემთხვევაში.
მარტოხელა დედებისთვის (მარტოხელა დედის სტატუსის მქონე პირი).
შშმ პირებისთვის.
ომის ვეტერანის სტატუსის მქონე პირებისთვის.
შეიარაღებული ძალების და სპეც სამსახურების თადარიგის ოფიცრის სტატუსის მქონე პირებისთვის.
საქართველოს ოკუპირებული ტერიტორიებიდან იძულებით
გადაადგილებული პირებისთვის.
პირებისთვის, რომლებიც კანონმდებლობით დადგენილი წესით რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში.

21. სწავლაში გადახდილი თანხის უკან დაბრუნება წარჩინებული მსმენელებისთვის:

სპეციალისტის სასერტიფიკატო გამოცდას 90-95%-იანი შედეგით ჩაბარების შემთხვევაში უკან დაიბრუნებთ გადახდილი სწავლის საფასურის 5%-ს,
ხოლო 96-100%-მდე შედეგის შემთხვევაში უკან დაიბრუნებთ გადახდილი სწავლის საფასურის 10%-ს.
100%-ის აღების შემთხვევაში უკან დაიბრუნებთ გადახდილი სწავლის საფასურის 15%-ს.
ორგანიზაციის მიერ სწავლის საფასურის გადახდის შემთხვევაში მაინც მსმენელს უბრუნდება თანხა.
ღირებულება და გადახდის შესაძლებლობები
კურსის ღირებულება შეადგენს 1987 ლარს

20%-იანი ფასდაკლება 1 თვით ადრე რეგისტრირებულთათვის

დამატებით 10%-იანი ფასდაკლებით ისარგებლებს კომპანია ყოველ მე-2 დამსწრეზე

შიდა 0%-იანი შიდა განვადება, თანხის გადანაწილების შესაძლებლობით კურსის პერიოდზე
სწავლაში გადახდილი თანხის დაბრუნება
სპეციალისტის სასერტიფიკატო გამოცდას 90-95%-იანი შედეგით ჩაბარების შემთხვევაში უკან დაიბრუნებთ გადახდილი სწავლის საფასურის 5%-ს,
ხოლო 96-100%-იანი შედეგის შემთხვევაში უკან დაიბრუნებთ გადახდილი სწავლის საფასურის 10%-ს.
100%-ის აღების შემთხვევაში უკან დაიბრუნებთ გადახდილი სწავლის საფასურის 15%-ს.
ორგანიზაციის მიერ სწავლის საფასურის გადახდის შემთხვევაში მაინც მსმენელს უბრუნდება თანხა.

პროგრამის საფუძველი: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2021 წლის 13 სექტემბერის ბრძანება №01-81/ნ „შრომის უსაფრთხოების სპეციალისტის აკრედიტებული პროგრამის მოცულობის, განხორციელების წესისა და პირობების დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 13 ოქტომბრის №01-25/ნ ბრძანებაში ცვლილების შეტანის თაოაბზე.

პროგრამის დანიშნულება:

შრომის უსაფრთხოების სპეციალისტის მომზადების სრული აკრედიტებული პროგრამა ითვალისწინებს შრომის უსაფრთხოების სპეციალისტის მომზადებას ნებისმიერი სექტორული მიმართულებით და სათანადო სასერტიფიკატო გამოცდის ჩაბარებას. პროგრამა მოიცავს სპეციალისტის მომზადებას ყველა იმ ობიექტისათვის, რომელიც  შედის მომეტებული საფრთხის შემცველი, მძიმე, მავნე და საშიშპირობებიანი სამუშაოების ჩამონათვალში. 

შრომის უსაფრთხოების სპეციალისტის მომზადების პროგრამის მიზანია:

• „შრომის უსაფრთხოების შესახებ“ საქართველოს ორგანული კანონით გათვალისწინებული მოთხოვნების შესაბამისად, მოამზადოს შრომის უსაფრთხოების სპეციალისტი და მოახდინოს მისთვის საჭირო კომპეტენციების განვითარება ნებისმიერი სექტორული მიმართულებით დასაქმებულთა შრომის უსაფრთხოებისა და ჯანმრთელობის დაცვის უზრუნველყოფის მიზნით.
• შრომის უსაფრთხოების სპეციალისტის კვალიფიკაციის მისანიჭებლად საჭირო გამოცდაზე დაშვების უფლების მოპოვების მიზნით, მსმენელს გაატაროს შრომის უსაფრთხოების სპეციალისტის აკრედიტებული პროგრამის სასწავლო კომპონენტი და მისცეს შესაბამისი ცოდნა და უნარ-ჩვევები.

პროგრამის საათობრივი მოცულობა – ყველა მოდულის ჯამი – 230 აკადემიური საათი, საიდანაც:

• ზოგადი საბაზისო მოდულები – 108 აკადემიური საათი, მათ შორის 101 თეორიული და 7 პრაქტიკული.
• თემატური მოდულები – 122 აკადემიური საათი, მათ შორის 32 თეორიული და 90 პრაქტიკული.

პროგრამის სასწავლო კომპონენტების დასრულების შემდეგ, მსმენელი ჩააბარებს სასერტიფიკატო გამოცდას – გამოცდა განკუთვნილია შრომის უსაფრთხოების სპეციალისტისათვის, ნებისმიერი სექტორული მიმართულებით. საგამოცდო ცენტრში სასერტიფიკატო გამოცდის წარმატებით ჩაბარების შემდგომ მსმენელი მიიღებს სერტიფიკატს.

უპირატესობა
პროგრამის ფარგლებში უფასოდ ისწავლება შრომის უსაფრთხოების მართვის სისტემის სახელმძღვანელო დოკუმენტაციის წარმოება. თითოული მსმენელი კურსის გავლასთან ერთად ქმნის სასურველი კომპანიის სპეციფიკაზე მორგებულ შრომის უსაფრთხოების სახელმძღვანელო დოკუმენტაციას.

სწავლების ენა – ქართული.

სწავლის შედეგები – მსმენელს პროგრამის დასრულებისას:

ა) აქვს სპეციალური ცოდნა შრომის უსაფრთხოების სფეროში.
ბ) იცნობს შრომის უსაფრთხოების სფეროში არსებულ ეროვნულ და საერთაშორისო კანონმდებლობას.
გ) შეუძლია შეაფასოს დასაქმებულისა და სამუშაო სივრცეში მყოფი სხვა პირის უსაფრთხოებასა და ჯანმრთელობასთან დაკავშირებული საფრთხეები და რისკები.
დ) შეუძლია უზრუნველყოს სამუშაო სივრცეში მომხდარი უბედური შემთხვევებისა და პროფესიული დაავადებების შემთხვევების რეგისტრაცია, მოკვლევა და ანგარიშგება საქართველოს კანონმდებლობის შესაბამისად.
ე) შესაბამისი გამოცდის და სერტიფიცირების შემდეგ პირს ენიჭება უფლება განახორციელოს შრომის უსაფრთხოების სპეციალისტის ფუნქცია-მოვალეობები, ყველა იმ ეკონომიკური/არაეკონომიკური საქმიანობის სექტორში, რაც გათვალისწინებულია საქართველოს კანონმდებლობის შესაბამისად.

ერთ სასწავლო ჯგუფში ირიცხება – არაუმეტეს 30 მსმენელი. 

შეფასების სტანდარტი
საგნებსა და გამოცდაზე გამოყენებული შეფასების სისტემა:

1. სამი სახის დადებითი შეფასება:

ფრიადი – მაქსიმალური შეფასების 91% და მეტი.
ძალიან კარგი – მაქსიმალური შეფასების 81-90%.
კარგი – მაქსიმალური შეფასების 71-80%.

2. ორი სახის უარყოფით შეფასება:

ვერ ჩააბარა – მაქსიმალური შეფასების 40-70%, რაც ნიშნავს, რომ პროფესიულ სტუდენტს ჩასაბარებლად მეტი მუშაობა სჭირდება და ეძლევა      დამოუკიდებელი მუშაობით დამატებით. გამოცდაზე ერთხელ გასვლის უფლება;
ჩაიჭრა – მაქსიმალური შეფასების 40%-ზე ნაკლები, რაც ნიშნავს, რომ პროფესიული სტუდენტის მიერ ჩატარებული სამუშაო არ არის  საკმარისი და მას საგანი ახლიდან აქვს შესასწავლი.

3. სასწავლო კურსის/მოდულის მაქსიმალური შეფასება 100 ქულის ტოლია.

4. მსმენელს უფლება აქვს, გავიდეს დამატებით დასკვნით ფინალურ ტესტზე უარყოფითი შეფასების მიღების შემთხვევაში.

შრომის უსაფრთხოების სპეციალისტის სტატუსის მოპოვება
შპს შრომის უსაფრთხოების და ჯანმრთელობის დაცვის აკადემიის ტრენინგ ცენტრიდან მიღებული პროგრამის წარმატებით დასრულების ცნობის საფუძველზე, უნდა გაიაროთ გამოცდა სამინისტროში ან/და სამინისტროს მიერ კონკურსის წესით შერჩეული საგამოცდო ცენტრში, შრომის უსაფრთხოების აკრედიტებული სპეციალისტის სტატუსის მოსაპოვებლად. საგამოცდო ცენტრის მიერ გაცემული სერთიფიკატის მოქმედების ვადა განსაზღვრულია 3 წლის ვადით.

კურსის მოდულები
კურსის განმავლობაში ისწავლება ზოგადი და თემატური მოდულები.

ზოგადი მოდულები:

1. “შესავალი შრომის უსაფრთხოების მართვის საკითხებში”  
საგნის ხანგრძლივობა – 2 საათი 

2. “საქართველოს შრომის კოდექსი”
    საგნის ხანგრძლივობა – 5 საათი 

3. “შრომის უსაფრთხოების შესახებ საქართველოს ორგანული კანონი”
    საგნის ხანგრძლივობა – 5 საათი 

4. “ეროვნული საკანონმდებლო რეგულაციები შრომის სამართლის მიმართულებით”
     საგნის ხანგრძლივობა – 8 საათი 

5. “საერთაშორისო სტანდარტები შრომის უსაფრთხოების სფეროში”
     საგნის ხანგრძლივობა – 7 საათი 

6. “საფრთხეების იდენტიფიცირება, რისკის შეფასება და მართვა”
    საგნის ხანგრძლივობა – 10 საათი 

7. “საწარმოო უბედური შემთხვევის და ინციდენტის მოკვლევა, აღრიცხვა, რეგისტრაცია და ანგარიშგება”
    საგნის ხანგრძლივობა – 4 საათი

8. “პროფესიული და პროფესიით განპირობებული დაავადებების კლასიფიკაცია, აღრიცხვა და კონტროლი” 
    საგნის ხანგრძლივობა – 3 საათი

9. “ელექტრო და სახანძრო უსაფრთხოება” 
    საგნის ხანგრძლივობა – 5 საათი

10. “ქიმიური ნივთიერებების კლასიფიკაცია და უსაფრთხოების წესები” 
    საგნის ხანგრძლივობა – 4 საათი

11. “საწარმოო სათავსების მიკროკლიატისადმი წაყენებული ჰიგიენური მოთხოვნები 
       საგნის ხანგრძლივობა – 4 საათი (3 თეორიული და 1 პრაქტიკული)

12. “ინდივიდუალური და კოლექტიური დაცვის საშუალებები” 
       საგნის ხანგრძლივობა – 3 საათი

13. “შრომის ჰიგიენა” – ქიმიური, ფიზიკური, ბიოლოგიური და ფსიქოსოციალური ფაქტორები. მზომი ხელსაწყოები და მათი გამოყენების პრაქტიკურლი უნარ-ჩვევები. 
    საგნის ხანგრძლივობა – 16 საათი (14 თეორიული და 2 პრაქტიკული)

14. “უსაფრთხოების ნიშნები და მონიშვნები სამუშაო სივრცეში”
   საგნის ხანგრძლივობა – 3 საათი (2 თეორიული და 1 პრაქტიკული)

15. “გადაუდებელი ღონისძიებების დაგეგმვა და განხორციელება & საევაკუაციო გეგმა”
      საგნის ხანგრძლივობა – 3 საათი (2 თეორიული და 1 პრაქტიკული)

16. “გარემოსდაცვითი საკითხები შრომის უსაფრთხოების სფეროში”
      საგნის ხანგრძლივობა – 4 საათი  

17. “ტვირთის უსაფრთხოდ გადატანა” 
       საგნის ხანგრძლივობა – 2 საათი  

18. “სიმაღლეზე მუშაობა” 
       საგნის ხანგრძლივობა – 4 საათი

19. “აალებად და ფეთქებად ნივთიერებებთან მუშაობის სტანდარტები და წესები” 
       საგნის ხანგრძლივობა – 3 საათი

20. “შრომის უსაფრთხოება მანქანა-დანადგარებთან, მოწყობილობებთან და სხვა სამუშაო ხელსაწყოებთან” 
       საგნის ხანგრძლივობა – 4 საათი (3 თეორიული და 1 პრაქტიკული)

21. “ტრენინგებისა და ინსტრუქტაჟების ჩატარების მეთოდები და მიმართულებები” 
       საგნის ხანგრძლივობა – 2 საათი

22. “სპეციალური და განასუთრებული საჭიროებების მქონე დასაქმებულთათვის უსაფრთხო და ჯანსაღი სამუშაო გარემოს შექმნა” 
       საგნის ხანგრძლივობა – 2 საათი

23. “პირველადი სამედიცინო დახმარება” 
საგნის ხანგრძლივობა – 5 საათი (4 თეორიული და 1 პრაქტიკული)

თემატური მოდულები:

24. “შრომის უსაფრთხოება მომსახურების/სერვის სექტორში და საოფისე საქმიანობისას” 
     საგნის ხანგრძლივობა – 5 საათი თეორია & 15 საათი პრაქტიკა (3 რისკის შეფასება და 12 პრაქტიკა)

25. “შრომის უსაფრთხოება სამედიცინო სფეროში”
     საგნის ხანგრძლივობა – 5 საათი თეორია & 15 საათი პრაქტიკა (3 რისკის შეფასება და 12 პრაქტიკა)

26. “შრომის უსაფრთხოება მსუბუქ მრეწველობაში” 
     საგნის ხანგრძლივობა – 6 საათი თეორია & 20 საათი პრაქტიკა (4 რისკის შეფასება და 16 პრაქტიკა)

27. “შრომის უსაფრთხოება სამშენებლო სექტორში” 
საგნის ხანგრძლივობა – 8 საათი თეორია & 20 საათი პრაქტიკა (4 რისკის შეფასება და 16 პრაქტიკა)

28. “შრომის უსაფრთხოება სამთომოპოვებით მრეწველობასა ან/და მძიმე დამამუშავებელ მრეწველობაში” 
  საგნის ხანგრძლივობა – 8 საათი თეორია & 20 საათი პრაქტიკა (4 რისკის შეფასება და 16 პრაქტიკა)

კურსის დამასრულებელი ფაზა
     1) საკურსო ნაშრომის – შექმნილი შრომის უსაფრთხოების დოკუმენტაციის წარდგენა (არჩევითი)
     2) ფინალური ტესტი  

ჯგუფების განრიგი და პერიოდულობა:

დილის ჯგუფი

• კვირაში 5 სამუშაო დღე.
  ორშაბათიდან პარასკევის ჩათვლით,
• დღეში 4 საათი (9:00-დან 13:00-მდე)
• ხანგრძლივობა 46 სასწავლო დღე

შუადღის ჯგუფი

• კვირაში 5 სამუშაო დღე.
  ორშაბათიდან პარასკევის ჩათვლით,
• დღეში 4 საათი (14:00-დან 18:00-მდე)
• ხანგრძლივობა 46 სასწავლო დღე

საღამოს ჯგუფი 

• ორშაბათი, ოთხშაბათი, პარასკევი,
• დღეში 4 საათი (18:30-დან 22:30-მდე)
• ხანგრძლივობა 46 სასწავლო დღე

ინტენსიური ჯგუფი

• კვირაში 5 სამუშაო დღე.
  ორშაბათიდან პარასკევის ჩათვლით,
• დღეში 8 საათი (9:00-დან 18:00-მდე)
• ხანგრძლივობა 23 სასწავლო დღე

პროგრამაზე დაშვების წინაპირობა – პროგრამის მსმენელი შეიძლება იყოს პროფესიული ან/და უმაღლესი განათლების მქონე პირი.

გაფრთხილება

• მიმდინარეობს აუდიო და ვიდეო ჩაწერა აკადემიის აუდიტორიებსა და მთელ პერიმეტრზე.
• აკრძალულია მსმენელის მიერ მობიური ან სხვა ვიდეო/აუდიო ჩასაწერი საშუალებების გამოყენება სასწავლო პროცესის დროს,
• აკრძალულია სასწავლო პროცესის დროს აუდიტორიაში ტელეფონზე პასუხი.

სასწავლო კურსის დაასრულებისთვის სავალდებულოა შემდეგი მოთხოვნების დაკმაყოფილება:

• დასწრება ყველა საგნის თეორიულ და პრაქტიკულ ნაწილზე 
• მონაწილეობა ინდივიდუალურ და ჯგუფურ სავარჯიშოების შესრულებაში.
• ყველა საგნის დასრულებისას ტესტის ჩაბარება 
• პრაქტიკის მოდულზე რისკების შეფასების სავარჯიშოებს შესრულება და დოკუმენტირება.
• კურსის შემაჯამებელი ფინალური ტესტის დაწერა. 

მსმენელთა უსაფრთხოება და საერთო წესები

• აკრძალულია სასწავლო გარემოში გამოცხადება ნასვამ ან სხვა ფსიქოტროპიულ ნივთიერებების ზემოქმედების ქვეშ. მსგავს მდომარეობაზე ეჭვის მიტანის შემთხვევაში ადმინისტრაცია გამოიძახებს შემოწმებისთვის შესაბამის კონტრაქტორ ორგანიზაციას და დადასტურების ან შემოწმებაზე უარის შემთხვევაში პირს აეკრძალება ლექციაზე დასწრება. აღნიშნული გაცდენა ჩაითვლება არასაპატიოდ და გაცდენილი საათების გავლა იქნება ფასიანი.
• ნებისმიერი საგნის სალექციო კურსის გაცდენის შემთხვევაში უნდა გაკეთდეს მიმართვა კურსის ადმინისტრაციის სახელზე გაცდენილი საგნის გასავლელად.
• მსმენელი არ დაიშვება საგნის დამასრულებელ ფინალურ ტესტირებაზე არასაპატიოდ გაცდენილი საგნის საათების სრულად გავლის გარეშე.
• გაცდენა ითვლება არასაპატიოთ თუ ადმინისტრაციის მიერ მოხდება მსმენელის სასწავლო გარემოდან დათხოვნა წესების დარღვევის გამო ან არ იქნება გაცდენაზე წინასწარ გაკეთებული მიმართვა ადმინისტრაციასთან და შეთანხმებული გაცდენილი საათების შემდგომი გავლის გარემოებები. 
• არასაპატიოდ გაცდენილი საათების აღსადგენად და მომდევნო ჯგუფთან საგნის გასავლელად უნდა მოხდეს დამატებით ყოველ გაცენილ საათზე 10 ლარის გადახდა. ინდივიდუალურად გასავლელი საათებისთვის თანხა განისაზღვრება კონკრეტული საგნის და გარემოებების მიხედვით.
• კურსზე დარეგისტრირების შემდეგ, თქვენი მონაცემები მიეწოდება შრომის ინსპექციას. სასწავლო პროცესის მიმდინარეობისას ნებისმიერ საგანზე შესაძლებელია ზედამხედველობის სამსახურის დასწრება, მონიტორინგის თვალსაზრისით.

კურსზე მოსვლისას თან უნდა იქონიოთ:

• პირადობის მოწმობის ასლი,
• კალამი, 
• რვეული ჩანაწერებისთვის,